Sunday, November 11, 2012

Halloween Story..

Nagising ako sa ring ng cellphone, tiningnan ko muna ung oras bago ko sagutin. Gabi na pala, si gf yung tumatawag.

"Hello babe?" bati ko.

"Asan ka na? Diba sabi ko sa'yo wag mo kalimutan yung halloween party?"

Patay. Nakalimutan ko ngayon nga pala yun, "Ah syempre hindi ko nakalimutan, busy lang ako sa pagpili ng costume kanina, papunta na ako diyan." binaba ko na yung phone sabay naghalungkat agad ng pwede ko suotin sa mga damit ko.

Wala akong ibang nakita kundi puro mga brief at boxer shorts. Di naman sa nagmamayabang pero mahilig ako maghubad lang dahil sa ganda ng katawan ko. Pero ayoko naman magmukang mayabang sa harap ng mga kaibigan ng gf ko. At ang tema din daw ng party ay Halloween Fun.

Dahil wala akong mkitang matinong susuotin ay tumingin ako sa mga gamit ni gf. Ang nakita ko lang ay ang mga napkin nyang hindi pa gamit. Nakaiisip tuloy ako ng idea, kumuha ako ng scotch tape, nilagyan ko ng tape yung mga napkin nya tapos pinagdidikit ko sa katawan ko. Kumuha ako ng ketchup sa ref at pinahidan yung mga nakadikit na napkin sa katawan ko. Nilagyan ko rin ketchub ang bibig at baba ko para kung may magtanong, ako si NAPKIN MONSTER! oh diba masaya? Halloween Fun talaga. Alam naman ng gf ko at mga friends nya na joker ako kaya acceptable na to.

Sumakay na ko sa kotse at dumeretso sa bahay niya. Pagdating sa may pintuan ay nakita kong medyo nakabukas ang pinto. Naisip ko sorpresahin ang gf ko kaya tineks ko sya na nasa harap na ko ng pintuan. Todo costme na ko, nakaboxer shorts tapos puno ng napkin ang katawan ko na may mga ketchup. Feeling ko talaga matatawa gf ko nito pati mga kaibigan nya.

Nang may narinig akong papalapit sa pinto, naisip ko si gf na yun kaya sinipa ko ang pinto at sumigaw ako ng parang nagkakarate, "HIIYAAAAAAH!!"

Ngunit sa aking pagkakamali, hindi pala si gf ang nasa likod ng pinto. Ang mama niya. Di ko pa talaga nameet ang family nya dahil bago lang kami ni gf, so eto ang unang encounter ko sa mama nya. Nakasuot ng parang witch ang mama ni gf, habang naka karate pose pa ko sa harap ng mama ni gf, suot ang costume kong NAPKIN MONSTER! Parehas kaming speechless. Super hiyang-hiya ako.

Dumating rin si gf at pinaliwanag sakin na ngayon nya pala ako papakilala sa family nya. Akala ko friends pero relatives pala at family's friends ang andun. Kaya ako ayon, mano sa parents nya, sa lola't lolo nya kahit sobrang nahihiya na talaga ako dahil suot ko pa rin ang costume kong Napkin Monster hanggang sa kahuli-hulian ng party.

(fiction)

2 comments:

joanne said...

Fiction ba talaga? Parang tunay e! Kadiri naman yun napkin monster, haha

Jondmur said...

astig ang napkin monster ah....